بسم الله الرحمن الرحيم
السلام عليكم ورحمه الله و بركاته
صباح\مساء الخير اعضاء تعب قلبي
هذا اول موضوع لي ينزل في هالقسم ان شاء الله ما ينحذف
او ينقل الى قسم المواضيع المكرره و المخالفه للقوانين
منقول لعيونكم من ايميلي
هذي قصه طريفه و واقعيه (( مريض بالمستشفى كل مايطلع احد منه عنده ضحك ))
جلس ذلك الرجل على السرير الابيض في احدى المشتشفيات في بلدنا الحبيب
وكان كل جسمه شاش و رجلينه كلها جبس وما تسمع الا الآآهات ما غير يحن و يون من الاوجاع
اللي فيه عاد انا قلت يمكن انه مسوي حادث قوي او انه محترق او او او او ......الخ
المهم جات الساعه 4 العصر و بدأ وقت الاستغراب من شي غريب مرررره
(( كان كل من جاء يزور هالشخص يطلع من عنده
ميت من الضحك
وانا جاني فضول و قلت وش السالفه؟؟؟؟
و على كل حال كل من جاء و سلم عليه ماتسمع الا ضحكهم من وراء الستاير
انا قلت لازم اعرف وش السالفه؟؟؟
انتهى وقت الزياره وانقز له على طول !! و اتشفى له و اقوله الحمد الله على السلامه وعسى
ماشر ومن هالكلام
وانا كل همي اعرف ليش يضحكون؟؟
المهم قلت له انا اشوف اللي يجونك وما يرحون من عندك الا و ضحكهم واصل اخر المستشفى
قال لي : هههههههه ليش عاد حاسدنا على الضحكه ؟؟
قلت له: لا ياخوي مو كذا السالفه والله لو عندك مليون كان يمكن احسدك بس اضحكو عادي
خذو راحتكم بس بغيت اعرف وش السر يعني؟؟
قال لي: طيب ولا يهمك انت مثل ماتشوفني مكسر و مربط بالشاش
قلت له : ايووه والله ...... الله يشفيك
قال لي : ياطويل العمر انا ساكن في شقه في الدور الثاني وعندي بلكونه مو من زينها
واذا نمت فتحت البلكونه و طفيت النور و تسدحت و يوم نمت على السرير و غصت في اعماق
اعماق نومي حلمت اني في يوم القيامه ! و حلمت مثل ماتقول ان الناس في مكان مثل موقف
الباصات و في باصات رايحه الجنه و باصات رايحه النار !!!!
المهم الجماعه ينادون بالاسامي فلان بن فلانه باص النار فلان بن فلانه باص الجنه و هكذا
فلان بن فلانه هاااه ذا اسمي و قلبي يدق و يدق روح باص الجنه اووووه ارتحت و مشيت ادور
على الباص اللي مكتوب عليه الى الجنه و حصلته و دخلت فيه و مشينا بالباص و بعد فتره
جاتنا لوحه فيها مكتوب عليها (( الجنه 50 كيلوو)) و (( النار 100 كيلوو ))
وهذا احنا مع اللوحات والله و نتعدى الجنه قلت يمكن السواق يعرف مكان لباب ثاني
و شوي و شفت (النار 15 كيلوو)) و بعد شوي (( النار 10 كيلوو)) وكل شوي نقرب من النار
يارجال وش السالفه المشكله الناس ساااكتين و ما احد قلقان في الباص الا انا
قلت بدخل على السواق و شفته معطيني ضهره و قلت له ( هي انت وين مودينا ؟؟ )
قال لي من دون ان يلتفت : رايح النار ياحبيبي
قلت له انا من اهل الجنه و ليش توديني النار يا وجه النحس ؟؟!
و التفت لي و طلع هو ابليس
قلت له الله يلعنك انا من اهل الجنه ياملعون لا توديني النار انا من اهل الجنه والله العضيم اني من
اهل الجنه تو من شوي قايلين اسمي وقف ياملعون وقف ياملعون
وهذا انا اصارخ وهو بانواع الضحكات الشريره هاهاهاها....... هاهاهاهاها.......هاهاهاهاها
قلت له ياملعون وقف ابي انزل !!!
قال لي هذا الباص مبرمج على انه مايوقف الا في النار تبي تنزل اقفز منه
وركضت على الباب و فتحته و هووووووووووووووووووووووووووووووب
ولا وعيت نفسي الا في المستشفى قافز من البلكونه في الحوووش!
[[ القصه حقيقيه وحصلت لواحد كان منوم في مستشفى المجمعه العااام
دخيلكم لااحد يحلم تعوذو من ابليس قبل تنامون
استغفر الله اللهم لا شماته بس من جد شي يضحك
سبحان الله وبحمده سبحان الله العضيم
موضوع: قصه مضحكه و واقعيه 
