واقع من خيال (( من كتاباتي ))

اتمنى التفاعل تفاعلكم مصدر اهتمامي ....

تعريف بالشخصيات .....

أبو تركي .... مدير شركه حالته الماديه ميسوره وهو اب لعائله مكونه من تركي وسمر

ام تركي.... مديره في معهد للاحاسب الالي

تركي .... دكتور في مستشفى للصحه النفسيه

سمر .. صف ثاني ثانوي ...

.................................................. ......

عائلة أم راكان ..

راكان دكتور يشتغل مع تركي في نفس المستشفى ... هو وتركي أصدقاء من ايام الثانويه .. ابوه متوفي وعايش مع امه... وحيد امه

........................................

عائلة أبو البنات

أبو هديل هو أب لثلاث بنات يتمنى يكون عنده ولد يشيل اسمه ... عائله ميسورة الحال ... مترابطه

هديل ... عمرها 27 سنه مدرسه

أثير ... اول جامعه جغرافيا

مرام ... صف ثاني ثانوي مع سمر ...

.....................................

عائلة أبو سعود ..

ابو سعود ... يشتغل في مكتب عقار ملك له

ام سعود ... فاتحه مشغل على قد الحال

ريانه ... مع سمر ومرام في الثانويه

فتون ...متزوجه تدرس في الجامعه مع اثير

سعود .... سادس إبتدائي

...................................

(( في الجامعه ))

اثير \ حاولي لاتقولين ما أقدر انتي الخسرانه في النهايه

فتون \ انتي ماجربتي الحب لو جربتيه ماتقولين حاولي .. هذا شي خارج عن إرادتي

اثير \ مافي شي اسمه خارج عن إراتدك أنتي متزوجه المفروض يكون تفكيرك كله زوجك

فتون \ بس انا ما احبه

اثير \ انتي حاطه في بالك انك ماتحبينه

فتون \ لأني فعلا مااااا احبه

اثير \ لا تتسرعين انتي الخسرانه اولا واخيرا

فتون \ اخسر كل شي بس اكون معاه

اثير \ وزوجك ؟؟

فتون \ انتي ليش تحبين تعكرين مزاجي خلاص قفلي السالفه ..

...............................................

(( في المدرسه ))

سمر \ بالله يرانه اشتري لي معاك عصير بارد

ريانه \ طيب .. مرام تبغين شي ؟؟

مرام \ سلامتك ..

سمر \ هاه وش قلتي تروحين معي للحكير بكره

مرام \ لا ماني فاضيه

سمر \ تكفين مرام طلبتك

مرام \ كم مره اقولك ناديني رامي مو مرام ترى حامت كبدي من ذا الاسم

سمر \ طيب وش قلتي ؟؟

مرام \ الاربعاء فيه مباراه ما اقدر أجليها للخميس

سمر \ مباراة مين ؟؟

مرام \ ريال مدريد ومانشستر

سمر \ ياشينك والله مادروا عنك

مرام \ خذي ريانه معاك

سمر \ اعرف ريانه ماراح تروح وخصوصا إن السبت إختبار

مرام \ روحي لوحدك

سمر \ يوووووووه عاد تعرفين اني ماقدر اروح من دونك

مرام \ ومشكلتي اني ماقدر ارفض لك طلب

.................................................. .

(( في المستشفى ))

راكان \ ودي اخذ أجازه

تركي \ ليش وش الطاري ؟؟

راكان \ ياخي الوالده من زمان ماطلعت من البيت

تركي \ وكم ناوي تاخذ يوم ؟؟

راكان \ والله ماادري على حسب المدير

> تدخل الممرضه <

الممرضه \ دكتور تركي إستدعاء في غرفه 7

..............................................

(( في المدرسه ))

هديل \ احيانا اقول أعنس في بيت اهلي ولا اتزوج واحد مثل زوجك

ليلى \ يازين العنوسه .. والله ندمانه قد شعر راسي إني تزوجته

هديل \ طيب قولي لأهلك لا تسكتين

ليلى \ وش اقول وش اخلي ... عاد انا ماني ساكته عشانه ساكته عشان اولادي ... وغذا تبين الصراحه اهلي ماصدقوا الفكه مني لو ارجع لهم اتوقع يصير فيهم شي

هديل \ أنتي موظفه يعني بتصرفين على نفسك وعيالك لو تطلقتي

ليلى \ بالله فكينا زوجة ابويه كانها اخت زوجي نفس التصرفات

هديل \ عندك حصه سادسه

ليلى \ لا .. بس من قرادة الحظ عندي مناوبه

هديل \ الله يعينك .. أجل انا بطلع واشوفك بكره

ليلى \ ان شاء الله

...........................................

(( في المستشفى ))

راكان \ وش فيك ... عسى ماشر

تركي \ المريض اللي في غرفه 7 قلب المستشفى فوق تحت بالقوه قدرنا نعطيه ابره مهدءه

راكان \ غريبه بالعاده ماله صوت

تركي \ ابلشتنا زوجته تزوره عشان تستفزه بالكلام

راكان \ وش دراك ؟؟

تركي \ الممرضه قالت لي وبعدين نسيت ان فيه كاميرات مراقبه في كل غرفه

راكان \ وش تتوقع قالت له ؟؟

تركي \ ما ادري والله بس كل مره تجي فيها لازم يثور علينا

راكان \ والحين كيفه ؟؟

تركي \ اعطيته أبره مهدئه واتوقع انه نايم الحين > قام من مكتبه <

راكان \ على وين ؟؟

تركي \ بعطي الورقه هذي للمدير وراجع

راكان \ وش فيها ؟؟

تركي \ ابغاه يوقع على منع الزياره لزوجته

راكان \ ماتوقع يوافق

تركي \ غصب يوافق لو استمر الحال على كذا انتهت حياته

..........................................

(( في بيت ابو هديل ))

مرام \ وش عندك راجعه بدري اليوم

أثير \ خلصت محاضراتي بدري > تنقل بريمونت الرسيفر <

مرام \رجعي رجعي

أثير \ على وشو ؟؟

مرام \ على الجزيره الرياضيه

أثير \ بالله عليك ... مسلسلي الحين بيبدا

مرام >تاخذ الريمونت منها < \ اقول هات بلا مسلسل بلا هم .. صدق انكم بنات فاضيات

اثير \ اسمعوا مين يتكلم وانتي وش انتي

مرام \ انا اخوك

اثير > تضحك< \ اشوف اشوف وين الشنب

مرام \ بايخه مثل وجهك

...................................

(( في بيت ابو سعود )

ام سعود \ بتجين اليوم ؟؟

فتون \ والله مدري بعد فواز ماجاء من الدوام

ام سعود \ على خير .. اقولك خذي كلمي ريانه انا طلعه الحين ...

فتون \ على وين ؟؟

ام سعود \ المشغل يبغاله تعديل بروح اشوف وش صار فيه

فتون \ طيب اعطيني ريانه

> تعطي ام سعود سماعة التلفون لفتون <

ريانه \ ايوه فتون

فتون \ ياهلا ياهلا عاش من سمع صوتك

ريانه \ عاشت ايامك ... وش اسوي الاسبوع اللي فات واللي جايه كله اختبارات

فتون \ الله يسهل عليك ... شدي حيلك ماعاد بقي شي على التخرج

ريانه \ امين يارب

.................................................. .........

( في الملاهي )

مرام \ لايكثر كلامك بعد كثير خيري اني تاركه المباراه وجايه عشانك

سمر \ لو ماجيتي كان جلست في البيت مالها داعي الطلعه من دونك

مرام \ اقول سمر وش صار على سواليفك الانترنتيه

سمر \ على حالها

مرام \ مافيك فايده ... ترى كلهم نصابين

سمر \ اعرف

مرام \ خلاص اجل ياانا يا شلة حسب الله اللي في الماسنجر

سمر \ يوه منك خلاص يصير خير

مرام \ سمعت ذي الكلمه مليون مره

سمر \ خلاص عشان تتأكدين ارجعي معاي واحذفيهم انتي بيدك

مرام \ اوكي > تحط السماعات في إذنها <

سمر \ ياحبك للمشاكل

مرام \ ترى اسمع للحين ماشغلت شي

.............................................

(( في المستشفى ))

> الممرضه تدق الباب على غرفة تركي وراكان <

تركي \ نعم تفضل

الممرضه > تفتح الباب< \ عفوا .... دكتور راكان المريضه في غرفه 30 رافضه تاكل

راكان \ خلاص روحي والحين لاحقك

تركي > يقلب في الاوراق اللي فوق مكتبه < \ كالعاده

راكان > يلتفت < \ وش قصدك باكالعاده ؟؟

تركي \ ماهي اول مره ولا ثاني مره تسوي نفس الحركه

راكان \ وانا من واجبي كدكتور اهتم بالمرضى

تركي \ والله ماحد انكر واجبك بس السالفه زادت عن حدها

راكان \ لا حول ولا قوة ترى البنت مريضه لا يروح تفكيرك بعيد

تركي \ تفكيري ماتحرك من عندي

راكان \ اجل خلك ساكت لين ارجع

تركي \ الله يقويك

.................................................. .........

( في المدرسه ))

ريانه \ اليوم الجو بارد

سمر \ شويه بارد ... احس كاننا في القطب المتجمد

مرام \ حلو الجو

سمر \ قال عادي قال بموت من البرد بس بس لاحد يسمعك

مرام \ لا تقعدين تبسبسين لي

سمر \ اجل بهوهولك > تضحك<

ريانه \ فاتحين حديقة حيوان انتي وياها

سمر \ اقول مرام

> تقاطعها مرام < \ رامي

سمر \ المهم تجين معايه اليوم

مرام \ حلى هو كل يوم

سمر \ عادي نذاكر سوا

مرام \ اوكي

سمر \ وانتي ماودك تجين معانا

ريانه \ ماقطعتي الامل مني

سمر \ الا والله مقطوع من زمان بس مجامله

ريانه > تضحك < \ تتعبين نفسك بس

مرام \ الحين بسالك سؤؤؤؤؤال ... ماطفشتي وانتي تاخذين كل سنه الاول على المدرسه

سمر > تضحك< \ في ذمتك هذا سؤال ريانه لو فيه مرتبه فوق الاول كان اخذتها

ريانه > تضحك< \ قولوا ماشاء الله

مرام \ واو صراحه اجواء باريسيه المطر كل شوي يزيد

سمر \ بالله كيف بترجعين البيت مشي ؟؟

ريانه \ عادي متعوده

سمر \ بوصلك في طريقي

ريانه \ لا ... انا من مشجعي رياضة المشي ... لا والجو ممطر ياسلام > تلبس عبايتها <

مرام > تضحك< \ قولي من مشجعي الافلام الهنديه اللي ذابحتك

سمر \ على وشو مستعجله

ريانه \ اخاف يزيد المطر اكثر من كذا واروح فيها ... يالله باي

سمر + مرام \ باي

» خيال شاعر السبب إمرأهـ