عيدك عساه بقربي داخل حضنّي....

#poem_4ce1813cca193 td {
font-family: 'Simplified Arabic', Arial, Helvetica, sans-serif;
font-size: large;
font-weight: bold;
}

فديت قلبك يابعد من سكنّي

أخفي لك من الود شيّ(ن)((كثيري))

ياليت تدري بي ويخيب ظنّي

ظنّي وأعرفه دايم(ن)لي كسيري

أكبر قهر لاصرت غيري تدنّي

وأنا على جمر الغضى أستديري

ودّي أصيح بعالي الصوت أغنّي

حبّك سطى قلبي تعلّى ضميري

وينك تشوف حروفي اللّي رثنّي

وينك تشوف بحال قلبي الحسيري

بعدك لوى لي الضلوع وغبنّي

بعدك كوى قلبي وتلّى مصيري

أحبّك بصمتي أنا وأدري عنّي

أعيش في صمتي عذاب(ن)مريري

ودّي بشوفك قبل يومي وأعنّي

كامل مشاويري لصوبك تنيري

عيدك عساه بقربي داخل حضنّي

عيدك زهور(ن)من بساط الحريري

أهديلك العشق القوي مستكنّي

ياروحي اللّي داخلي ياخشيري

خذيت من طبع السيوف وطعنّي

بعدك وطوله بعد درب المسيري

ياليت لي جنحان فيني ومنّي

والله لصوب دياركم لاأطيري

وتضم جنحاني كتوف ذبحنّي

وأبوس أنا خدّك بوس(ن)خطيري

وأسوّي حالي مادريت وكأنّي

غلطت في بوسة خدودك وآديري

وآخذ غرامي لين أروي شوقنّي

وأقول عيدك عيدي ماهو لغيري

عيدك معي وبداخلي ياحشنّي

والله أحبّك والمحبّه تثيري