هواجيـس الحزن

تحية طيبه لكم جميعاً يامن شرفتموني بمروركم الكريم

على قصيدتي المتواضعة

والتي أتمنى أن ترتقي بعد قراءتكم لها

وهي بعنوان

*^* هواجيس الحزن *^*


سر ياقلم واكتب هواجيس محزون
شيٍ يلج بداخلي ماقويته
الله بلاني بالهوى صرت مفتون
بغروٍ جعلت أقصى المعاليق بيته
من صغري احبه ولاظن يدرون
أهله بحبٍ بالضماير خفيته
يومي صغير اقول يازينت الكون
انت الحلا يالجادل اللي هويته
في حبه أدري كل الاقراب يدرون
غصبٍ علي ماهوب شي نويته
اسمه كذا يظهر ولااعرف وشلون
ما تسمع الا داخل القلب صيته
أنا على كيف اريش العين ويمون
من يوم يزهمني على طول جيته
ياما لعبت وكامل الحسن مزيون
طول النهار وبالمسا ما اهتنيته
أجلس أفكر واقضي الليل بلحون
مره اغني به ومره بكيته
بس البلا يوم الزمن دار بالكون
اصبح كبير وبعدها ما رأيته
أصبح فؤادي بعد فرقاه مطعون
ياخوف قلبي موتتي مالقيته
لكن ابوصي ياهلي بس تكفون
لامت قولوا مابلحظه نسيته


ولكم خالص الود والتحايا